Një aksident ka ndodhur pasditen e sotme në vendin e quajtur pishat e Babunjës në Divjakë.
Sipas KlanNews mësohet se makina e përfshirë në aksident, drejtohej nga një polic, i cili ka humbur kontrollin mbi drejtimin e mjetit dhe ka përfunduar në kanalin vaditës në Babunjë.
Si pasojë e aksidentit është plagosur shoferi 56-vjeçar G.Rrahmanaj, I cili po merr mjekim më të specializuar në spitalin e Lushnjes.
Dyshohet se shkak për aksidentin është bërë shpejtësia dhe lagështia në rrugë e për pasojë makina ka përfunduar në kanal.
Grupi hetimor po punon për zbardhjen e plotë të ngjarjes.
