Një konflikt me tone të ashpra është shënuar në autobuzin e Kamzës mes një burri, i cili raportohet se është polic civil dhe fatorinos.
Në videon e publikuar nga “Jeta Osh Qef”, polici civil është burri që shfaqet me një cantë në dorë dhe video nis me përgjigjen që fatorino i jep. Sipas “Jeta Osh Qef” polici civil i është drejtuar faturinos me fjalët: “Unë 24 vite oficer policie, ti më kërkon mua lekët e biletës? Të derdh trutë mu këtu tek “Zogu i Zi” o majmun”
“Ulu pak në tokë ta tregoj unë se kush e hedh njëri-tjetrin në tokë, na morët në qafë”, dëgjohet fatorino, i cili hyri në debat me policin pasi ky i fundit nuk i tregonte nëse kishte biletë apo jo.
Më pas ka ndërhyrë kontrollori i biletës, i cili i ka kërkuar policit civil të qetësohet sepse nuk zgjidh asgjë me të bërtitura, ndërkohë që ky i fundit vazhdonte me sharje drejtuar faturinos. Nga biseda që bën me kontrollorin kuptohet se polici e kishte në dorë biletën, por duket se është irrituar nga fakti që fatorino i ka kërkuar ta shohë. Shpesh fatorinot nuk i fiksojnë të gjithë personat që janë në autobus, dhe ka ndodhur shpesh kur të njëjtit qytetar i janë drejtuar dy herë për t’i kërkuar lekët. Por zotëria në fjalë duket se nuk e ka pritur mirë këtë fakt.
“A e di ti se kush jam unë mor, je duke fol me Lushin?”-dëgjohen fjalët e tij. Nuk dihet se si ka përfunduar situata.
Ndërkohë një polic tjetër i cili ndodhej në autobus, nuk ka reaguar për të neutralizuar situatën, por thjesht i ka kërkuar kolegut të qetësohet.
