Një shqiptar është kapur nga policia britanike pasi kultivonte kanabis në një “shtëpi bari”. Sipas Daily Mail ai u përpoq t’i shpëtonte arrestimit duke u hedhur nga dritarja në tarracën e një shtëpie ngjitur.
Por gjithsesi 19-vjeçari nuk ia doli, pasi shpejt u ndalua në një kopsht aty pranë.
Oficerët gjetën 60 bimë të mëdha në shtëpinë në Cofton Hackett, Worcestershire, të cilat vlerësoheshin rreth 50,000 £.
Gjithashtu u gjetën edhe 198 bimë të tjera më të vogla, të cilat mund të kishin vlerën e 1,000 £ secila.
Policia sekuestroi bimë kanabisi së bashku me pajisje kultivimi dhe një sistem elektrik të sofistikuar.
Bastisja ndodhi pasi fqinjët ngritën shqetësime për drogën dhe aktivitetin e dyshimtë në zonë.
PC Rod Hartëright, nga policia e West Mercia, tha: “Urdhëri tregon se ne nuk do të tolerojmë drogën brenda komunitetit tonë dhe do të vazhdojmë të veprojmë sipas informacionit që na jepet për drogën.
“Droga ka një ndikim negativ në komunitetet tona dhe mund të çojë në kriminalitete të tjera të lokalizuara”-theksoi ai./Opinion.al
