Sekretari i Përgjithshëm i PD, Gazment Bardhi shprehet se kryetari i Bashkisë së Lezhës, Pjerin Ndreu duhet të ishte në burg.
Nëpërmjet një postimi në “Facebook”, Bardhi shkruan se Ndreu ka fyer punonjësit policisë, teksa thotë se në “dosjen 184”, kryebashkikaku i Lezhës hiqte mësuesit nga puna.
Ndër të tjetra, sekretari i Përgjithshëm i PD, thotë se duhet të marrë fund lidhje e qeverisë me krimin, pasi sipas tij, mazhoranca nuk përfaqëson interesat e qytetarëve.
“Pjerin Ndreu nuk duhet të jetë mbi ligjin, Pjerin Ndreu duhet jetë në burg sepse është i njëjti që në Dosjen 184 “fluturonte” mësuesit nga puna me urdhër partie dhe sot sulmon dhe fyen policinë. Deliri tij është produkt i paligjshmërisë mbi të cilën ngrihet pushteti i korruptuar i regjimit Rama-Doshi: Vjedhja e zgjedhjeve! Ata nuk përfaqësojnë qytetarët, por interesat e krimit me të cilin masakrojnë zgjedhjet dhe vjedhin vullnetin e shumicës për ndryshim. Që arroganca ndaj qytetarëve dhe institucioneve të ndalojë, që ankthi dhe pasiguria të mos mbretërojnë në familjet shqiptare, duhet marrë fund modeli i politikës të lidhur me krimin.”-shkruan Bardhi.
Pjerin Ndreu u kallëzua penalisht nga tre efektivë policie të cilët pretendonin se i ka penguar për të ushtruar detyrën e tyre dhe i ka ofenduar./Opinion.al
