Një aksident ka ndodhur pasditen e sotme në aksin rrugor Pogradec-Qafë Thanë, ku një makinë tip “Volvo”, ka humbur kontrollin dhe është përplasur me barrierat mbrojtëse të rrugës.
Për pasojë janë plagosur drejtuesja e mjetit K.H 25 vjeçe dhe vajza e saj 2 vjeçe.
Policia bën me dije se të dy të lënduarat ndodhen jashtë rrezikut për jetën.
Njoftimi i policisë:
Pogradec/Informacion paraprak
Më datë 09.05.2024, rreth orës 18:30, në aksin rrugor “Pogradec-Qafë Thanë” në afërsi të Gurit të Kuq, shtetasja K. H., 25 vjeçe, duke drejtuar automjetin tip “Volvo”, dyshohet se ka humbur kontrollin mbi drejtimin e tij dhe automjeti ka dalë nga rruga.
Për pasojë është dëmtuar drejtuesja dhe vajza e saj rreth 2 vjeçe, pasagjere në mjet, të cilat ndodhen në spital jashtë rrezikut për jetën.
Grupi hetimor po punon për përcaktimin e shkaqeve të aksidentit.
