Një aksident ka ndodhur mesnatën e sotme në aksin rrugor Pogradec-Tushemisht.
Mësohet se shtetasi A.Ç. ka humbur kontrollin e makinës dhe mjeti ka dalë nga rruga.
Si pasojë është dëmtuar shoferi i mjetit, i cili ndodhet në spital jashtë rrezikut për jetën.
“Rreth orës 01:10 të mëngjesit, në aksin rrugor “Pogradec-Tushemisht”, shtetasi A. Ç, duke drejtuar automjetin tip “Renault”, dyshohet se ka humbur kontrollin mbi drejtimin e tij dhe si pasojë automjeti ka dalë nga rruga.
Shtetasi A. Ç, është dërguar në spital, për ndihmë mjekësore dhe ndodhet jashtë rrezikut për jetën”, njofton policia.
Grupi hetimor po punon për sqarimin e rrethanave dhe shkakut të aksidentit.
