Arrestohet 1 shtetas i shpallur në kërkim për veprën penale “Plagosje e rëndë me dashje”, e kryer në bashkëpunim, ndërkohë që policia po vijon punën për ndalimin e dy shtetasve të tjerë. Uniformat blu kanë kapur dhe ndaluar shtetasin D. P., 29 vjeç, banues në Pogradec. I ndaluari në bashkëpunim të tre personat kanë goditur me sende të forta shtetasin Dh. B., 30 vjeç, duke i sakatuar dëmtime trupore, për motive të dobëta.
“Si rezultat i kontrolleve të vazhdueshme për lokalizimin dhe kapjen e shtetasve në kërkim, bazuar dhe në informacionet e siguruara nga inteligjenca informative, specialistët për Hetimin e Krimeve të Komisariatit të Policisë Pogradec në bashkëpunim me Specialistët për Hetimin e Krimeve në Komisariatin e Policisë nr. 4 Tiranë kanë lokalizuar, kapur dhe ndaluar shtetasin: D. P., 29 vjeç, banues në Pogradec, për veprën penale “Plagosje e rëndë me dashje”, e kryer në bashkëpunim.
Ky shtetas ishte shpallur në kërkim, pasi dyshohet se më datë 16.04.2025, në fshatin Buçimas, Pogradec, së bashku me shtetasin E. A., dhe N. A., kanë goditur me sende të forta shtetasin Dh. B., 30 vjeç, duke i sakatuar dëmtime trupore, për motive të dobëta. Vijon puna për kapjen e shtetasve E. A., dhe N. A”, thuhet në njoftimin e policisë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
