Një 34-vjeçar po procedohet në gjendje të lirë nga policia e Pogradecit, pasi është përleshur me dy vajza të reja në ambientet e një lokali.
Uniformat blu bëjnë me dije se në gjendje të lirë janë proceduar tre të rinjtë E. Sh., 34 vjeç; K. B., 25 vjeçe dhe A. B., 27 vjeçe, të cilët akuzohen për veprën penale “Plagosja e lehtë me dashje”.
Si pasojë e konfliktit të tre personat kanë marrë lëndime të lehta fizike.
“Specialistët për Hetimin e Krimeve në Komisariatin e Policisë Pogradec referuan materialet në Prokurori dhe filloi procedimin penal në gjendje të lirë për shtetasit E. Sh., 34 vjeç; K. B., 25 vjeçe dhe A. B., 27 vjeçe, banues në fshatin Vërdovë, Pogradec, për veprën penale “Plagosja e lehtë me dashje”, pasi në ambientet e një lokali në qytetin e Pogradecit, 34-vjeçari është përfshirë në një konflikt me shtetaset e mësipërme dhe për pasojë të tre kanë marrë lëndime të lehta fizike. Materialet i kaluan Prokurorive të Rretheve Gjyqësore Korçë e Pogradec, për veprime të mëtejshme”, njofton policia.
