Paul Pogba ka rezultuar zyrtarisht pozitiv për përdorimin e testosteronit.
Analizat e dyta në kampionin B të bëra në Romë dhanë të njëjtin rezultat si testi i kryer menjëherë pas ndeshjes Udinese-Juventus të mbajtur më 20 gusht.
Për futbollistin do të nisë gjyqi sportiv dhe mesfushori tani do të kërkojë që të faktojë se nuk ishte qëllimi i tij që të dopohej.
Nëse 30 vjeçari shpallet fajtor, rrezikon që të pezullohet nga dy deri në katër vite. Edhe drejtuesit e Juventusit, po shqyrtojnë vendimin që do të marrin në lidhje me francezin.
Me konfirmimin e përdorimit të substancave të palejuara, klubi ka të drejtën që të pezullojë kontratën me lojtarin, i cili do të paguhet vetëm me një pagë minimale, 39 mijë euro bruto.
