Në dalje nga SPAK ku u paraqit si çdo javë në zbatim të masës së sigurisë, ish ministri Ilir Beqja deklaroi se po zbaton vendimin .
Gjatë fjalës së tij ai kërkoi që ti vihet në dispozicion raporto i KLSH mbi të cilin siç tha ai janë bazuar pretendimet për shkelje.
”Që prej 20 nëntorit në zbatim të vendimit të gjykatës duhet të paraqitem te një nga hetuesit e çështjes së sterilizimit. Ky proces ndodhi dhe sot.”
Një javë më parë janë bërë kontrolle në shtëpinë tuaj dhe janë sekuestruar edhe disa sende. A keni bërë apelim?
“Jo jo. Ai është një gjë që mund ta refuzosh brenda 24 orësh. Unë e kam pranuar që në momentin që ka ndodhur si kontrolli dhe sekuestrimi i sendeve. Të nesërmen kam kërkuar që në laptopin ku kam të gjithë materialet e sterilizimit të ma japin sa më shpejt që të mund të vazhdoj komunikimin me SPAK për çështjen e serilizimit, siç jam i hapur për të zbatuar çdo gjë që kërkon drejtësia kërkoj që edhe ajo të jetë korrekt me mua.
Ka katër javë që kemi kërkuar të gjithë raportin e KLSH mbi të cilat është ndërtuar pretendimi i shkeljeve të ndryshme dhe akoma nuk më është vënë në dispozicion”, u shpreh Beqja.
Marrëdhënie juaj me personat që përmenden në dosjen e SPAK? Kush është pronari i Gzona?
“Ermal Kurtulajn e njoh prej më shumë se 15 vitesh. QË në maj të 2022 ka punuar në një projekt që ndiqej nga SASPAK. Lokali Gzona nga shkurti i 2020 nuk ka asnjë lidhje financiare ekonomike me familjen time. bashkëshortja ime është larguar në shkurt të 2020 dhe nga gjithë puna që ka bërë ka marrë 1,5 milionë lekë të vjetra”, tha ai.
