Dy persona kanë rënë në prangat e policisë dhe një tjetër është shpallur në kërkim pasi po vidhnin naftë në Kukës.
Sipas njoftimit të policisë këta persona në vendin e quajtur “Ura e Drinit të Zi”, në bashkëpunim me njeri-tjetri, janë konstatuar nga shërbimet e Policisë duke vjedhur naftë në 3 mjete trajler.
Në pranga kanë rënë 22-vjeçari me iniciale E.Sh dhe 21-vjeçari me iniciale A.M, ndërkohë kërkim është shpallur 24-vjeçari me iniciale Sh.S. Materialet i kaluan Prokurorisë së Rrethit Gjyqësor Kukës për veprën penale “Vjedhja, kryer në bashkëpunim”.
Njoftimi i Policisë:
Kapen duke vjedhur naftë, arrestohen në flagrancë nga Policia 2 shtetas, si dhe shpallet në kërkim një tjetër.
Specialistët për Hetimin e Krimit në komisariatin e Policisë Kukës, arrestuan në flagrancë shtetasit;
– E.Sh.(D), 22 vjeç, banues në Domaj, Kukës.
-A.M., 21 vjeç, banues në Mohole, Kukës.
Si dhe u bë shpallja në kërkim e shtetasit Sh.S., 24 vjeç, banues në Kolosjan, Kukës.
Këta shtetas, në vendin e quajtur “Ura e Drinit të Zi”, në bashkëpunim me njeri-tjetri, janë konstatuar nga shërbimet e Policisë duke vjedhur naftë në 3 mjete trajler.
Materialet i kaluan Prokurorisë së Rrethit Gjyqësor Kukës për veprën penale “Vjedhja, kryer në bashkëpunim”./Opinion.al/
