Një 20-vjeçar ka aksidentuar ditën e sotme një punonjës të policisë rrugore. Ngjarja ka ndodhur në rrugën Durrës-Tiranë, pranë Vorës rreth orës 13:00.
Automjeti i drejtuar nga 20-vjeçari M.B ka humbur kontrollin si rezultat i shpejtëisë thuhet në njoftimin e policisë. Ai është përplasur me një automjet tip “BMW X5” por ka aksidentuar edhe policin e rrugores R.Q.’
Polici “në momentin e përplasjes po kryente verifikimet dhe veprimet policore ndaj drejtuesit të automjetit tip BMË X5 në krahun e shoferit të këtij mjeti, i cili ishte konstatuar duke qarkulluar pa vendosur targat në vendin e caktuar”, njofton policia.
Ai është dërguar në spital dhe ndodhet nën kujdesin e mjekëve por nuk bëhen të ditura dëmet që i janë shkaktuar.
Të dy drejtuesit e mjeteve të përfshirë në aksident janë shoqëruar në ambientet e Komisariatit të Policisë Vorë, për veprime të tjera hetimore.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes. /Opinion.al
