Një zyrtar i lartë i FBI-së që po merret me verfikimin e pasurisë së VIP-ave ka ardhur tri herë në Tiranë kohët e fundit.
Kjo është deklarata e dhënë nga analisti Lorenc Vangjeli në emisionin e përjavshëm “Java në RTSH”.
Vangjeli se zyrtari i lartë i FBI ka ardhur dy herë në fillim të vitit dhe herën e tretë në 10 ditët e fundit.
“Një zyrtar shumë i lartë amerikan i FBI-së, një nga personat përgjegjës për luftën kundër pastrimit të parave, ka qenë të paktën tre herë në Tiranë”, tha Vangjeli.
Vangjeli tha se emri i këtij zyrtari nuk rezulton të jetë shënuar në sistemin TIMS
“Axhenda e kësaj vizite të fshehtë pune është një sekret që ruhet fort dhe për qëllimin e saj vetëm mund të hamendësohet. Me gjasë edhe për lidhje të mundshme me hetime konkrete që janë në zhvillim e sipër” – tha Vangjeli duke shtuar se më shumë se kuriozitet, misioni i tij ka ngjallur frikë.
Sipas tij, hetimet nuk lidhen me individë të zakonshëm dhe qytetarë anonimë, por për personazhe të fortë publikë.
