Një peshkatar, kuipazhi i të cilit shpëtoi 31 persona në ujërat e Kanalit Anglez, tha se e kuptuan që emigrantët kishin rrethuar varkën e tyre në orët e para të mëngjesit të sotëm, kur ata nisën të ulërinin për ndihmë.
Raymond tha për Sky News se kishte qenë duke fjetur kur u zgjua nga një anëtar i ekuipazhit të tij, i cili i tha: “Ka emigrantë pranë varkës”.
Raymond tha se numëroi 45 njerëz që që po mbaheshin në gomonen e përmbysur në ujë dhe që kishin rrethuar varkën e tij në ujin e errët.
“Ishte si një skenë nga një film i Luftës së Dytë Botërore, kishte njerëz në ujë kudo, duke bërtitur,” tha ai.
Ekuipazhi i peshkimit të Raymond kaloi dy orë duke tërhequr njerëzit nga uji. Ai po ashtu tha se në mesin e atyre që kishte shpëtuar, kishte emigrantë nga Afganistani, Iraku, Senegali dhe India dhe se i kishin rrëfyer se secili prej tyre i kishte dhënë 5 mijë Paund një trafikanti në Francë në mënyrë që t’i çonte në Britani.
Por ndërsa ekuipazhi filloi të tërhiqej, duke çuar pasagjerët e tij në port, ata kuptuan se një emigrant ishte ngjitur në anën e varkës dhe ishte mbytur.
“Ne ishim përqendruar në anën e portit dhe ky person kishte notuar në anën e djathtë, kishte lidhur një litar në pajisjen time të peshkimit dhe e kishte lidhur rreth kyçit të dorës për të mbajtur veten pranë varkës. Kur vendosa varkën time në pajisje, trupi i tij notoi lart.”
Një varkë e vogël u përmbys orët e para të kësaj të mërkure në afërsi të Kentit. Zyrtarisht autoritetet kanë konfirmuar vdekjen e 4 personave, ndërsa janë shpëtuar të paktën 43 persona.
