Vijon evidentimi i rasteve të transportimit të emigrantëve të paligjshëm në vendin tonë.
Së fundi, policia e Pogradecit ka arrestuar një 40-vjeçar, banues në Laprakë, Tiranë.
Ai u kap në lagjen nr. 3, Pogradec, nga punonjësit e Policisë Rrugore, duke transportuar me mjetin tip “Mazda”, në drejtim të Tiranës, 8 emigrantë të paligjshëm, të cilëve kundrejt fitimit, iu kishte premtuar kalimin drejt vendeve të BE-së.
Materialet i kaluan Prokurorisë të Rrethit Gjyqësor Pogradec, për veprën penale “Ndihma për kalim të paligjshëm të kufijve”./ Opinion.al
