Është finalizuar operacioni policor i koduar “Shoshan”, i zhvilluar në bashkëpunim me policinë e Kukësit, komisariatin e Tropojës, Prokurorinë e Rrethit Gjyqësor Tropojë dhe me mbështetjen e Forcës së Posaçme Operacionale në Policinë e Shtetit.
Në përfundim të operacionit është arrestuar një 34-vjeçar i cili transportonte armë zjarri me qëllim trafikimin drejt Kosovës dhe janë sekuestruar 3 armë zjarri (dy automatikë dhe një pistoletë Glock) dhe municion luftarak.
Mësohet se bazuar në informacionet e grumbulluara në rrugë operative për një shtetas që tentonte të trafikonte armë zjarri drejt Kosovës, dhe si rezultat u arrestua shtetasi:
– S.D., 34 vjeç, banues në Shoshan, Tropojë.
Ky shtetas u kap në flagrancë nga shërbimet e Policisë, gjatë kohës që me automjetin e tij “Volksëagen”, po transportonte dy armë zjarri automatikë, 1 armë zjarri pistoletë tip “Glock” dhe sasi municioni luftarak, në aksin rrugor Shoshan-Bajram Curri, në vendin e quajtur “Ura e Shtrenjtit”.
Në bashkëpunim me Prokurorinë, vijon puna për identifikimin dhe kapjen e personave të tjerë, të implikuar në këtë veprimtari kriminale.
Armët e sekuestruara do dërgohen në Institutin e Policisë Shkencore në Tiranë për ekzaminime të mëtejshme, nëse këto armë janë përdorur në ngjarje kriminale të ndodhura më parë.
Materialet i kaluan Prokurorisë pranë Gjykatës së Shkallës së Parë Tropojë, për veprat penale “Trafikimi i armëve dhe i municionit” dhe “Prodhimi dhe mbajtja pa leje e armëve luftarake dhe e municionit”.
