Kronikë

Po tentonte të futej në Turqi, arrestohet Petro Tane i dënuar për vrasje


Bëhu pjesë e Grupit Zyrtar të Opinion.al
>> KËTU <<
               Publikuar në : 11:21 - 27/05/22 |
Opi Nion

Policia e Shtetit ka informuar se në bashkëpunim me policinë turke ka arrestuar dhe vënë në pranga një person të shpallur në kërkim ndërkombëtar, pasi rezulton i dënuar me 14 vite burg për vrasje.

Mësohet se ky shtetas është kapur në tentativë për t’u futur në Turqi, me dokumente të falsifikuara.

Në pranga ka rënë shtetasi Petro Tane, 49 vjeç nga Kuçova, i dënuar me 14 vjet burgim për vrasje.

49-vjeçari, i cili më parë fshihej në Greqi, u kap në Turqi dhe u deportua në Rinas.

Shtetasi Petro Tane (Petrit Tabaku), 49 vjeç, ishte shpallur në kërkim ndërkombëtar, pasi në vitin 2006 është dënuar me 14 vjet burgim nga Gjykata e Apelit Vlorë, për veprat penale “Vrasja” dhe “Armëmbajtja pa leje”.

Petro Tane, në vitin 1997, në lagjen “1 Maji”, Kuçovë, ka vrarë me armë zjarri automatik shtetasin A. S.

Nga specialistët e Seksionit për Krimet në Komisariatin e Policisë Kuçovë u bë ekzekutimi i vendimit të Gjykatës së Apelit Vlorë, në ngarkim të këtij shtetasi./Opinion.al

Pas