Më datë 19 prill, pra nesër është afati i fundit që ka vendosur KQZ për regjistrimin e koalicioneve parazgjedhore për të marrë pjesë në zgjedhjet e 18 Qershorit. PS ka deklaruar gjithnjë se është e hapur për të shkuar sërish në zgjedhje me LSI, ndërsa kjo e fundit nuk është shprehur asnjëherë publikisht. Edhe pse Ilir Meta të shtunën javës që kaloi e la të hapur mundësinë e një marrëveshje të re me Edi Ramën, asgjë nuk thuhet zyrtarisht.
Ndërkohë sot, Luan Rama iu shmang sërish një përgjigjeje të drejpërdrejtë të gazetarëve për koalicionin e ardhshëm PS-LSI.
Në mënyrë diplomatike, ai rrëshqiti, duke thënë se LSI apelon për dialog politik. “Ti largojmë marrësitë dhe ti thërrasim arsyes. LSI të ushtrojë presion për të realizuar dialogun e munguar”, u shpreh ai.
Deklarata e kreut të grupit të LSI Luan Rama nga e kësaj partie
Luan Rama: Kryetari i Kuvendit ka thirrur sot në seancë të jashtëzakohsme punimet e Kuvendit për të ngritur dy komisionet e radhës ad-hoc për institucionet e Vetingut. LSI propozon deputetët Luan Rama dhe Silva Caka për njërin komision dhe Vangjel Tavon për komisionin tjetër. Për shkak të të bojkotit të opozitës reforma në drejtësi është e bllokuar ndaj apeloj edhe një herë për rëndësinë e madhe që ka dialogu politik për të realizuar reformën zgjedhore dhe reformën në drejtësi.
Pyetje: Po përfundon afati për regjistrim në KQZ, a e keni mbyllur marrëveshjen me PS-në?
Luan Rama: Problemi i madh janë zgjedhjet dhe detyrimi i madh që ka klasa politike, veçanërisht mazhoranca është dialogu me opozitën, përfshirja e opozitës në zgjedhje si një kusht jetik si një vlerë për pjesmarrjen e opoztës në zgjedhje.
Për të realizuar më në fund Shqipëria zgjedhje sipas standareve, ku secili aktor të konkurojë lirisht. Ti largojmë marrësitë dhe ti thërrasim arsyes. LSI të ushtrojë presion për të realizuar dialogun e munguar.
/Opinion.al
