Tri nxënëse janë aksidentuar mëngjesin e sotëm në fshatin Allkaj të Lushnjës pranë një shkolle të mesme.
Sipas njoftimit të policisë aksidenti ka ndodhur mëngjesin e sotëm në orën 08:20 kur 33-vjeçari me iniciale R.Ç, i cili ishte duke drejtuar automjetin tip “Golf”, ka lënduar lehtë 3 nxënëse të cilët po shkonin në shkollë.
Fatmirësisht nxënëset janë jashtë rrezikut për jetën. Policia ka shoqëruar drejtuesin e automjetit dhe po punon për zbardhjen e plotë të rrethanave të ngjarjes./Opinion.al/
