Ish-kryeministri Sali Berisha pas mbërritjes në SPAK ku do t’i komunikohet akuza për aferën Partizani, ka sulmuar SPAK.
Ai e quajti një Prokurori private të Ramës, ndërsa sulmoi edhe prokurorët duke thënë se janë mercenarë të Ramës.
Berisha theksoi se do të shkojë të marrë akuzën politike dhe të njihet me materialet e falsifikuara pa asnjë provë, të diktuara nga Edi Rama.
Berisha: Prokurorët politikë, mercenarë e dinin që ishin një mashtrim sepse fletoret zyrtarë faktuan se ajo tokë kurrë nuk është shpronësuar. Nga dhjetëra zyrtarë që kanë firmosur dokumentat e procesit për tokën, asnjë nuk është në ndjekje penale se kanë zbatuar ligjet. Firma e Sali Berishës nuk ekziston në asnjë nga këto dokumente.
Nuk ka prova që Berisha i ka bërë presion ndokujt që të firmosë.Në vitet 2006-2013, nuk ka asnjë ligj për privatizimin. Të gjitha ligjet janë miratuar për popullsinë dhe prej tyre kanë përfituar nga procesi i njohjes dhe rikthimit për pronarë legjitim mbi 500 mijë shqiptarë.
Ky qëndrim ligjor PD është krejtësisht i kundër me vendimet e Edi Ramës që i ka dhënë vëllait tokë në kundërshtim me ligjin. Rama ka marrë tokë në emër të nënës së tij apo njerëzve të tij. Të gjitha lejet e zhvillimit të kësaj prone janë dhënë nga Rama, Basha dhe Veliaj.
Berisha u vu nën arrest por privatizimi është nisur nga qeveria socialiste. Unë po shkoj të marrë akuzën politike dhe të njihem me materialet e falsifikuara pa asnjë provë, por të diktuara nga Edi Rama. Në gjykatë nuk ka asnjë provë, ndërkohë që drejtësia politike e ka mbajtur 9 muaj nën arrest. Ky vendim pa asnjë bazë ligjore përfshirë dhe izolimin është dëshmi se Edi Rama është i gatshëm për të bërë gjithçka për të zgjatur regjimin e tij. Sali Berisha është më i motivuar se kurrë në mbrojtjen e interesit publik të qytetarëve.
