Një ngjarje e rëndë ka ndodhur mesditën e sotme në një fshat të Elbasanit.
Policia bën me dije se një elektricist, 62 vjeç ka humbur jetën gjatë kohës që po punonte për riparimin e një defekti në fshatin Muçan të Elbasanit.
“Elbasan/Informacion paraprak. Rreth orës 12:45, shtetasi A. T., rreth 62 vjeç, banues në Elbasan, me profesion elektricist, dyshohet se aksidentalisht gjatë punës për riparimin e një defekti në një kabinë elektrike, në fshatin Muçan, ka rënë në kontakt me rrymën elektrike dhe si pasojë ka humbur jetën. Grupi hetimor ndodhet në vendngjarje dhe po punon për zbardhjen e rrethanave të rastit”-njofton policia.
Gjatë kësaj fundjave fshati Muçan i Elbasanit kishte mbetur pa energji elektrike për shkak të motit të keq me reshje të dendura.
