Prisnin të ekzekutoheshin por tetë të burgosur të dënuar me vdekje janë mes 15 personave që kanë humbur jetën në burgun “San Quentin” në Shtetet e Bashkuara.
Viktima e parë nga Covid-19 u raportua në mes të qershorit, kur Richard E. Stitely, i cili qëndronte pas hekurave prej 30 vitesh, rezultoi se ai ishte i infektuar me Covid-19. Ai ishte dënuar me vdekje për përdhunimin dhe vrasjen e një 27-vjeçareje në vitin 1990.
Ndërsa i fundit, është 67-vjeçari John Beames, i cili ishte i dënuar me vdekje pasi në vitin 1994 kishte vrarë një foshnje 15-muajshe. Por ai ndërroi jetë të martën nga Covid-19, i teti nga njësia e atyre që presin ekzekutimin.
Gjashtë të burgosurit e tjerë, vdiqën mes 3 dhe 20 korrikut. Ata ishin të gjithë të dënuar për vrasje, përdhunime dhe vepra të tjera të rënda penale.
Burgu më i vjetër i Kalifornisë është shndërruar tashmë në vatër infeksioni dhe kriza atje sa vjen e përkeqësohet.
Deri tani janë të konfirmuar si të infektuar me Covid-19 më shumë se 2/3-at e të burgosurve. Konkretisht në të ndodhen 2018 raste të konfirmuara me koronavirus, 137 vetëm në 14 ditët e fundit./Opinion.al
