Në Komisionin Hetimor të Inceneratorëve, janë thirrur të dëshmojnë 3 administratorët e inceneratorëve në Tiranë, Elbasan dhe Fier.
E para që u ul para anëtarëve të komisionit, për t’iu përgjigjur pyetjeve ishte administratorja e Inceneratorit të Tiranës, Ariola Kodra.
Në një moment gjatë marrjes në pyetje kryetarja e Komisionit Hetimor të Inceneratorëve, Jorida Tabaku, i tërhoqi vëmendje zonjës Kodra, pasi kjo e fundit po përdorte celularin.
“E kuptoj që është e rëndësishme të komunikosh me mesazhe, po pret përgjigje nga Mirel Mërtiri, Klodian Zoto, apo Stela Gugalljan, por kini mendjen”,-tha Tabaku.
Në debat u përfshi edhe anëtari socialist i këtij komisioni, Arben Pëllumbi, të cilin Tabaku e akuzoi se ishte koordinuar me administratoren e inceneratorit të Tiranës, Kodra.
Arben Pëllumbi: Ka faza për lejen e ndërtimit
Arjola Kodra: Ka disa faza
Arben Pëllumbi: A bëni integrim të menaxhuar të mbejtjeve
Arjola Kodra: Po patjetër që po. Në zonën e trajtimit të mbetjeve të Tiranës ka ndryshuar tërësisht faqja. Nuk është më në gjendjen që ka qenë ku kulloteshin bagëtitë., Është kryer gjelbërimi i zonës. Çdo gjë është në përputhje me standardet ndërkombëtare.
Arben Pëllumbi: Sot në landfillin e Sharrës si është situate më ujerat e ndotur
Ajrola Kodra: Është ndërtuar një impiant trajtimi për ujërat e ndotur. Nga një pellg ujërash që ka qenë para marrjesh në dorëzim nga kompanitë koncesionare
Arben Pëllumbi: A ka sot ujëra të ndotur në Sharrë? Duke qenë Sharra ndoste jo vetëm në ajër por edhe në tokë. Ne duam të dimë a e marrin qytetarët e Tiranës shërbimin për të cilin paguajnë?
Jorida Tabaku: Objekti i këtij komisioni hetimor janë procedurat e dhënies me koncesion
Arben Pëllumbi: A kemi menaxhim të integruar të mbetjeve në zonë? Qytetarëve u intereson a është i pastër ajri?
Jorida Tabaku: Data e fillimit të punimeve është me datën e marrjes së lejes paraprake
Arjola Kodra: Kemi filluar punimet
