Kryeministri Edi Rama tha se platforma TikTok po mbyllet gradualisht dhe se janë në komunikim me kompaninë.
Ai u shpreh se po presin nga kompania e TikTok planin me filtrat me qëllim mbrojtjen e fëmijëve nga bullizimi.
Kreu i qeverisë ironizoi Sali Berishën duke thënë se “bufi të rrotullohet nga të dojë në histori e ka vendosur veten në një piedestal me kallama, buf kënete.”
“Nuk është censurë, por mbrojtje. Nuk është çmenduri por gjëja më e shëndetshme. Ne nuk e kemi mbyllur njëherë e mirë, por po e mbyllim përkohësisht dhe presim nga kompania një plan për filtrat që do të vendosen për të siguruar fëmijët, për të minimizuar bullizmat, për të futur gjuhën shqipe, për të stimuluar me algoritëm programet e reja për shkencën, matematikën etj dhe normalisht për argëtim
Mos dëgjo bufin do hysh në histori kështu e ashtu. Bufi të rrotullohet nga të dojë në histori e ka vendosur veten në një piedestal me kallama, buf kënete. Mos dëgjo bufin, mos i shko mbrapa bufit se të ha. Por kontribuo për të tharë kënetën”, tha Rama.
