Një burrë mbeti i plagosur aksidentalisht mbrëmjen e djeshme në Durrës. Ai kishte shkuar për të pirë kafe kur papritur dy persona me thika, që më pas u mësua se ishin dajë dhe nip, sulmuan pronarin e lokalit. 40 vjeçari hyri në mes për ti ndarë, por mori disa plagë thike. Policia thotë se është janë rrezikut për jetën, ndërsa janë kapur autorët.
“Autorët e dyshuar A.K. 36 vjeç dhe E.P. 22 vjeç janë arrestuar. Ata janë banues në Shijak dhe kanë lidhje familjare me njëri-tjetrin, dajë-nip”, tha policia.
“A.K dhe E.P janë konfliktuar me pronarin e lokalit, D.B. Në momentin që ka ndodhur konflikti, në ambientet e lokalit ka qenë i pranishëm si klient edhe H.K., i cili ka tentuar të qetësojë situatën, por fatkeqësisht është plagosur”, ben te ditur me tej policia. Ndërsa ende nuk janë bërë të ditura motivet e këtij sherri që ndodhi mbrëmë në lagjen nr13 (lagjia e plazhit) në Durrës.
