Në mes të ditës në tregun ‘Rus” në Shkodër u vra në atentat një person dhe një tjetër mbeti i plagosur.
Sipas të dhënave të deritanishme, viktima është Fatos Ferracaku, ndërsa bashkë me të u plagos Fatmir Mehaj, teksa të dy po pinin kafe në një lokal.
Sipas burimeve, Ferracaku njihej si një tregtar peshku dhe e zhvillonte aktivitetin e tij në Merkatën e Peshkut në Shkodër.
Po ashtu, referuar edhe nga i njëjti mbiemër policia po heton edhe në një tjetër pistë, pasi dyshohet se mund të ketë lidhje me vrasjen e biznesmenit Arjan Ferracaku në shtator të këtij viti.
Kjo edhe për faktin se viktima njihet si kushëri i tretë i Arjan Ferracakut.
Në vendngjarje janë gjetur 9 gëzhoja, ndërsa motori i përdorur nga autorët është gjetur i djegur.
Njoftimi zyrtar i policise se shtetit
Sot rreth orës 11:15 në lagjen “Partizani” në vendin e quajtur ‘Merkata Rus’, dyshohet se dy persona me motoçikletë kanë qelluar me armë zjarri në drejtim të shtetasit F.V. 31 vjeç, i cili ka ndërruar jetë në Spitalin Rajonal Shkodër.
Nga të shtënat është plagosur dhe shtetasi F.M., i cili ndodhet jashtë rreziku për jetën nën kujdesin e mjekëve.
Në vendngjarje ndodhet grupi hetimor dhe po punon për sqarimin e rrethanave të ngjarjes.
Policia e Shkodrës e mbështetur nga FNSH Shkodër ka ngritur pika kontrolli dhe në gjithë zonën ku dyshohet se janë larguar autorët.
Policia ka gjetur dhe një mjet motoçikletë të djegur, që dyshohet se u përdor nga autorët, në lagjen ‘Guerrile”.
Po punohet intensivisht për identifikimin dhe kapjen e autorëve.
