Një grup që trafikonte lëndë plasëse eksploziv C4, së bashku me aksesorë ndihmës , detonatorë dhe fitil zjarrëpërcjellës është kapur sot në zonën e Fushë-Krujës. Janë arrestuar Alfred Gurra 26 vjeç dhe Drini Lika 35 vjeç, të dy banues në Krujë. Ata shisnin këto lëndë plasëse tek një grup tjetër kriminal, tha policia.
Janë sekuestruar:
40 kallëpë eksplozivë C4;
100 kapsolla detonatore;
43 metër fitil zjarrpërcjellës;
automjeti tip Mitsubishi me targa LA7607 A;
automjeti tip Benz me targa AA 888 CC.
“Vijon puna hetimore dhe gjurmuese në zbulimin dhe vënien para përgjegjësisë penale të personave të tjerë të përfshirë në këtë grup kriminal”, tha policia. Ndërsa burimet shprehen se ka dyshime se grupi kriminal që blinte lëndët plasëse do ti përdorte për vrasje me pagesë.
