Katër persona janë arrestuar nga policia e Tiranës pasi po tentonin të kryenin një atentat ndaj një personi për motive gjakmarrje.
Sipas policisë, ata janë kapur në flagrancë duke përgatitur një silenciator, për ta montuar në pistoletën tip “Zastav”, të cilën e mbanin pa leje.
Këtë armë po e përgatisnin për të kryer vrasjen e një personi, identiteti i këtij të fundit nuk bëhet me dije për arsye hetimi dhe sigurie.
Lidhur me këtë tentativë vrasje, policia njofton se ka arrestuar:
Edmond Marku, 32 vjeç, banues në Durrës, i shpallur në kërkim nga Komisariati i Policisë Lezhë për Vjedhje.
Blindim Isa, 25 vjeç, banues në Kukës, i dënuar më parë për Vrasje me dashje.
Artur Shehu, 22 vjeç, banues në Tiranë, i dënuar më parë për prodhim dhe mbajtje të lëndëve narkotike.
Klodjan Koca, 34 vjeç, banues në Fush-Kuqe.
Arma e sipërpërmendur është gjetur në banesën e Edmond Markut, e cila u sekuestrua në cilësinë e provës materiale./tvklan.al
