Kryeministri Edi Rama ka folur sot për çështjen e mbylljes së aplikacionit Tik Tok, në komunikimin live në rrjete sociale me qytetarët.
Pas vendimit të qeverisë për mbylljen e këtij aplikacioni, duket se qytetarët shqiptarë kanë gjetur zgjidhjen për përdorimin e platformës përmes VNP-së.
Duke marrë shkas nga kjo gjë, Rama tha se përdorimi i Tik Tok me VPN është një turp i madh.
Ai theksoi se qytetarët duhet të bëjnë kujdes për shkak të rrezikut për vjedhjen e të dhënave personale.
“Përdorimi i Tik Tok me VPN një turp i madh. Duhet shumë kujdes sepse është i hapur për marrjen në kohë reale të të dhënave. Është njësoj si ta përdorësh duke ndarë me të tjerët paswordin apo të dhënat. Por çështja këtu nuk është çështje Hitlerit, por është çështja Tik Tik në mënyrën si shërbehet në Shqipëri është shumë i rrezikshëm”, tha Rama.
