Aktori i njohur amerikan Jeremy Renner mbetet në gjendje kritike, pasi u plagos ndërsa pastronte borën me një nga borëpastruesit në shtëpinë e tij në fermën e tij midis Reno dhe Liqenit Tahoe. 51-vjeçar i “Marvel” u transportua me helikopter në spital të dielën.
Renner, ka një vajzë nëntë vjeçare Ava me ish-gruan Sonni Pacheco. Aktori i Hawkeye është shumë aktiv në rrjetet sociale dhe shpesh poston për kushtet ekstreme të motit që godasin zonën ku ai jeton.
Menaxheri i tij nuk ka treguar se si ka arritur të plagoset kaq rëndë, duke bërë të ditur vetëm se “aksidenti lidhet me kushtet atmosferike gjatë heqjes së borës”, duke shtuar se aktori po merr “kujdes mjekësor” dhe pranë tij është familja.
“Ai është në një gjendje kritike, por stabile”, tha ai.
Një stuhi e fortë dimri goditi edhe një herë rajonin, duke rezultuar në humbjen e dhjetëra jetëve.
