Një turiste gjermane ka humbur jetën pasi është rrëzuar në greminë duke ngjitur “Shpellën e Harapit”.
Uniformat blu bëjnë me dije se viktima është identifikuar si shtetasja R.P. 31-vjeç.
Sipas informacioneve, turistja gjermane ka rrëshkitur teksa ishte duke eksploruar zonën së bashku me disa turistë të tjerë.
“Mesditën e sotme, salla operative e Komisariatit të Policisë Shkodër ka marrë njoftim nëpërmjet një telefonate se shtetasja gjermane R. P., 31 vjeçe, duke u ngjitur në mal, bashkë me një shtetas tjetër gjerman, në vendin e quajtur “Shpella e Harapit”, Shalë, Shkodër, kishte rrëshkitur dhe kishte rënë në greminë.
Si pasojë e dëmtimeve, kjo shtetase ka humbur jetën.
Shërbimet e Policisë janë nisur në vendin e ngjarjes, bashkë me shërbime të specializuara, për të nxjerrë trupin e pajetë të kësaj shtetaseje, nga terreni i vështirë malor ku ka rënë”, tha policia.
Grupi hetimor vijon punën për sqarimin e rrethanave të kësaj ngjarjeje./Opinion.al
