Kryetarja e LSI-së, Monika Kryemadhi e shoqëruar nga kryetari i grupit parlamentar të kësaj force, Petrit Vasili i janë drejtuar selisë blu, për të zhvilluar një takim me kreun e PD-së, Lulzim Basha.
Takimi mes dy forcave opozitare, PD dhe LSI vjen pas thirrjes së Bashës për një tyrezë dialogu për t’iu përgjigjur me një aksion politik luftës kundër krimit.
Kësaj tyreze, Monika Kryemadhi iu përgjigj pozitivisht, duke mbështetur kreun e demokratëve në këtë nismë.
Pak orë më parë, në një konferencë për mediat, Kryemadhi tha se mund të ketë pika që e ndjanë LSI-në me PD-në dhe partitë e tjera, por çështja që na bashkon në një front të vetëm dhe të përbashkët në luftën me krimin e organizuar dhe bandat, është më e fortë se çdo ndasi që ka mes nesh.
“Mbështes qëndrimin e kryetarit të PD-së, Lulzim Basha, për një tryezë të gjerë politike që do t’i përgjigjet me një aksion intensiv dhe politik, por edhe të pa kompromis luftës ndaj bandave dhe krimit në pushtet”-tha ajo.
Në konferencë për mediat, Basha theksoi se të mërkurën PD do të thërrasë një tryezë me të gjithë spektrin opozitar.
