Mbledhja e Kryesisë së Partisë Demokratike ku u vendos për hapjen e garës për kryetar më 29 korrik, është shoqëruar me tensione të shumta.
Vendimi për hapjen e garës ka sjellë përplasje, pasi deputetët, që njëherazi janë edhe anëtarë të Kryesisë, nuk kanë pranuar që zgjedhjet të mbahen tani afër. Ata kërkuan që fillimisht të zhvilloheshin zgjedhjet në bazë e më pas të caktohet kryetari i ri.
Kështu ata braktisën mbledhjen. Por teksa dolën jashtë godinës Bardhi, Korreshi dhe Sula u përballën me një grup mbështetësish të ish-kryetarit të PD, Lulzim Basha.
“Po na torturoni. Dëgjo kaq po të them. T’ju vi turp! Burgun e kam ngrënë unë, gazin e kam ngrënë unë, ju keni ndenjur si mbretër atje. Turp t’ju vijë turp”, iu drejtuan simpatizantët deputetëve.
Madje në momentet kur deputetët po largoheshin, ka pasur një moment përplasje që për pak precipitoi në dhunë fizike ndaj deputetëve.
Gjatë tensioneve mes mbështetësve te Bashës dhe deputetëve që u larguan nga mbledhja, raportohet se janë sulmuar dhe ofenduar edhe gazetarët.
