Përpara mbledhjes së Kryesisë së Partisë Demokratike, kreu i kësaj partie Sali Berisha ka folur shkurtimisht për gazetarët duke ju përgjigjur interesimit për disa zhvillime të fundit brenda selisë blu dhe koalicionit të udhëhequr prej tyre.
Berisha ka thënë se po mendon për formimin e qeverisë pas zgjedhjeve të 11 Majit.
Në lidhje me largimin sot nga koalicioni të një prej partive aleate, Sali Berisha përmendi tradhtinë.
Ka një ide publike që ju më shumë se sa për 11 Majin po mendoni për 12 Majin.
Sali Berisha: E vërteta është për qeverinë. Po mendoj për qeverinë pas 12 Majit.
Do jepni dorëheqjen në rast se humbni zgjedhjet?
Sali Berisha: Unë po them që po përgatis qeverinë e ardhshme, ti më thua…
Po largohen edhe aleatët, një prej partive aleate ka deklaruar që do shkojë drejt PS, ka dhënë dorëheqjen nga koalicioni juaj.
Sali Berisha: Sa ç’është i vjetër njeriu, është edhe tradhtia. Nuk ke ç’i bën.
Kujtojmë se Aleanca e Maqedonasve për Integrimin Europian, njoftoi këtë të mërkurë se është tërhequr nga koalicioni zgjedhor i Partisë Demokratike. Në një letër dërguar Komisionerit Shtetëror të Zgjedhjeve, kreu i kësaj partie, Vasil Sterjovski kërkoi të çregjistrohet emri nga koalicioni.
