Pak kalori dhe ngrohtësia e një pjate të ushqueshme e bërë në shtëpi, është sekreti i supës, që na kthen pas në fëmijëri, por dhe bëhet një aleate e bukurisë.
Në këto ditë temperaturat bien dhe ndjejmë më shumë uri. Shfrytëzoni perimet e stinës për të gatuar supëra nga më të ndryshmet, në kuzhinën e vjeshtës.
Njihet me disa emra, si rrënjët gjermane, patatja amerikane apo artiçoka e Jeruzalemit, ka një shije të ëmbël dhe është perfekt për pure me perime. Është një përbërës mjaft rezistent dhe prandaj ka qënë mjaft i përdorur në kuzhinat e fshatit. Bashkë me fasulet, thjerrëzat dhe grurin e bën më të shijshme supën e mbrëmjes, apo edhe për drekë.
Eksperimento!
Me vjeshtën në treg vjen lakra, lulelakra, dhe brokoli. Janë shumë të rëndësishëm për përmbajtjen e kripërave minerale dhe vitaminave, dhe lakrat kanë një efekt pastrues dhe të ndihmojnë në rigjenerimin e indeve. Bashkoni lulelakrën me pataten dhe përgatisni një supë të pasur me erëza.
Shijet e forta
Kurkumaja, speci djegës, arra moskat, ndihmojnë në detoksifikimin e organizmit, të japin ngrohtësi dhe kanë efektin antimoshë. Ju pëlqejnë kontrastet? Provoni të luani me efektin i ngrohtë dhe i ftohtë. Shtojini supës djath të freskët, një recetë e thjeshtë dhe e shijshme për një mbrëmje të ftohtë. Përdorni edhe erëzat aromatike si borziloku apo rozmarina.
Vjeshta plot ngjyra
Barishtet e hidhura si çikorja, rukola, e radhiqet kanë efekte të rëndësishme detoksifikimi. Shfrytëzoniji për të ndihmuar veshkat apo të pastroni lëkurën.
Mbretëresha e vjeshtës është kungulli, i shijshëm në supëra apo dhe në furrë. Mund ta gatuani me ndonjë rrënjë rozmarine. Falë shijes së ëmbël dhe vetive pastruese, është ushqimi më i mirë për të shuar urinë në këtë periudhë.
Si mendoni për një lëng supe vegjetariane me bazë qepën dhe hudhrën e njomë? Është mjaft e përhapur në kuzhinën e Evropës së Veriut, dhe është një koncentrat që të pastron dhe mbron sistemin imunitar. /TCH
