Mesditën e sotme një 69-vjeçare në fshatin Marshejë të Malësisë së Madhe është plagosur aksidentalisht me armë gjahu nga fqinji i saj.
Mësohet se ngjarja ka ndodhur teksa e moshuara po kalonte në rrugë dhe një nga saçmet e fishekut e ka dëmtuar.
Uniformat blu bëjnë me dije se 69-vjeçarja ndodhet në spital, ndërsa shtetasi D. R. është shoqëruar në ambientet e Komisariatit.
“Mesditën e sotme, shtetasja F. Gj., 69 vjeçe, banuese në fshatin Marshejë, është dëmtuar lehtë, në këmbë, dyshohet me një saçme fisheku arme gjahu.
Nga veprimet hetimore paraprake dyshohet se 69-vjeçarja është dëmtuar aksidentalisht, lehtë, teksa kalonte në rrugë, nga fqinji i saj, shtetasi D. R., 67 vjeç.
69-vjeçarja ka marrë asistencë mjekësore në spital, ndërsa shtetasi D. R. është shoqëruar në ambientet e Komisariatit, për kryerjen e veprimeve të mëtejshme procedurale.
Në cilësinë e provës materiale është sekuestruar arma e gjahut”, tha policia.
Grupi hetimor vijon punën për dokumentimin e plotë ligjor të rrethanave të kësaj ngjarjeje./Opinion.al
