Deputeti i Partisë Demokratike, Flamur Noka ka reaguar pasi goditi paraditen e sotme me rregulloren e Kuvendit, një nga operatorët në sallë, pasi sipas tij ishte duke filmuar telefonin e Sali Berishës.
Përmes një postimi në rrjete sociale, Noka ka publikuar disa foto ku shihet duke përqafuar operatorin dhe krahas tyre kërkon ndjesë duke shkruajtur se ishte një keqkuptim.
“Nje ndjes miqesore kameramanit Parid Dado per keqkuptimin e paradites”, shkruan Noka.
Kujtojmë se incident është shënuar gjatë seancës plenare të kësaj të enjteje. Moment i goditjes nuk është kapur nga kamerat, por ishte kryeparlamentarja Lindita Nikolla që i tërhoqi vëmendjen Nokës duke i thënë se nuk mund të ketë reagime të tilla ndaj medias.
Ndërkohë, Noka ngriti pretendime se operatorët po filmonin edhe telefonat e deputetëve./Opinion.al
