Një banore e zonës në Menidi ka rrëfyer për mediat greke momentet e fundit të shqiptares 40-vjeçare që humbi jetën mëngjesin e sotëm në Athinë.
Enkeleida Danaj, 40-vjeç u vra këtë të enjte me thikë në Greqi. Autori i dyshuar i kësaj ngjarje është bashkëshorti i saj, Eduard Danaj, 50 vjeç. Ky i fundit nuk është arrestuar ende.
Siç tregon, pronarja e një biznesi pranë vendit ku ndërroi jetë Enkelejda, në ato momente ndodhej në dyqanin e saj, kur një klient dëgjoi shqiptaren që thërriste për ndihmë dhe njoftoi policinë.
”Në mëngjes në orën 5:10 vij për të pirë kafen, hyn një klient dhe më thotë, mbylle derën, mos e hap se kanë vrarë një vajzë këtu, kam marrë policinë. U tremba dhe nuk e pyeta, por edhe atëherë më thotë mos e hap derën. Vajza thërriti për ndihmë dhe njoftoi policinë”, dëshmon ajo.
