Kronikë

Po bënin gara…, detaje nga aksidenti ku humbi jetën 17-vjeçari


               Publikuar në : 10:22 - 11/11/19 |
Al Do

Rreth orës 22:00 të mbrëmjes së djeshme një aksident automobilistik i mori jetën një 17-vjeçari.

Viktima është identifikuar si Kristian Vasili ndërsa të plagosurit janë Alban Dervishaj dhe Rei Oka.

Aksidenti ka ndodhur në aksin Tiranë-Elbasan, në afërsi të qendrës tregtare TEG. Të rinjtë mësohet se ishin duke bërë gara shpejtësie me njëri-tjetrin dhe kjo ka sjellë humbjen e kontrollit të njërit nga mjetet e cila ka rezultuar fatale për 17-vjeçarin.

Ndërkohë dy të lënduarit e tjerë mësohet të jenë jashtë rrezikut për jetën pasi morën ndihmën mjekësore.

Kujtojmë se ditën e djeshme si pasojë e një aksidenti në Bërzhitë humbën jetën dy 17-vjeçarë teksa po ktheheshin nga një ditëlindje ndërsa drejtuesi i mjetit u vu në pranga pasi nuk kishte leje drejtimi. /Opinion.al

Pas