Policia ka dhënë detaje lidhur me vrasjen e 40-vjeçares Xhuliana Topalli nga bashkëshorti i saj në Vaun e Dejës. Ajo është qëlluar me armë zjarri në rrethana ender ë paqarta, ndërsa më pas autori ka tentuar të vrasë dhe veten.
“Më datë 09.01.2022, rreth orës 16:44, në fshatin Nenshat, Bashkia Vau i Dejës, në rrethana ende të paqarta shtetasi N. H., rreth 50 vjeç, dyshohet se ka vrarë me armë zjarri ish- bashkëjetuesen e tij, shtetasen Xhuliana Topalli., 40 vjeçe. Shtetasi N.H pas krimit dyshohet se ka tentuar të vrasë veten dhe për pasojë ka mbetur i plagosur dhe ndodhet nën kujdesin e mjekëve në Spitalin Rajonal Shkodër. Grupi hetimor po vijon punën për sqarimin e rrethanave dhe zbardhjen e ngjarjes”, njoftoi policia./Opinion.al
