Një fraksion i dosjes ‘339’ është kthyer nga Gjykata e Posaçme për Korrupsionin dhe Krimin e Organizuar përsëri në duart e Prokurorisë së SPAK.
Gjyqtarja, Irena Gjoka, vendosi që prokurorët e SPAK brenda dy javësh duhet të sqarojnë akuzat për 25 personat e pandehur për këtë çështje dhe t’i individualizojë ato.
Më 3 shkurt, Prokuroria e Posaçme e SPAK, vendosi të cojë për gjykim fraksionin e dosjes voluminoze ‘339’ ku po hetohen akuzat për “trafik i narkotikëve”, “grup i strukturuar kriminal”, “pastrim parash” dhe “armëmbajtje pa leje”.
Ndër personat e akuzuar për trafik lëndësh narkotike është dhe Astrit Avdylaj, personi që u përfol se ka lidhje me ish-kryebashkiakun e Durrësit, Vangjush Dako për krime elktorale të cilat po hetohet në një fraksion tjetër të kësaj dosjeje.
Grupi me 25 të pandehur u godit gjatë operacionit “Volvo 4”, në tetor 2018 pasi në Brenog të Hasit u zbulua një laborator heroine. Prokuroria ka arritur në konkluzionin se heroina e sekuestruar në fshatin Brenogë të Hasit, dërgohej në laborator, në pllakat e mermerit të tregtuara nga Irani në Kosovë me kalim tranziti në Shqipëri.
Të pandehurit në këtë dojse janë: Astrit Balliu (alis Avdyli,Sulejmani), Altin Avdyli, Jasin Kala (alias Avdyli), Gjevi Ndoka (alias Xhevahir), Esat Mehmeti, Petrit Sulejmani, Saimir Sulejmani, Hajri Seferi, Orges Jahelezi, Shkëlqim Avdyli, Denis Llaftiu, Saimir Gjepali, Mario Zeqiri (alias Edinjo), Elton Shehaj, Fatos Llaftiu, Ardit Gjyriqi, Admir Hoxha, Hekuran Hoxha, Iskënder Sale(alias Mehmet Gjini), Xhemal Shala, Xhevit Shuti, Flamur Çelaj, Vehbi Berushi, Mustaf Shuti, Anila Shuti. /Opinion.al
