Turizmi nuk ka të ndalur në Durrës. Ndonëse jemi në mesin e muajit Tetor, qytetarët i janë drejtuar edhe këtë fundjavë bregdetit. Duke shfrytëzuar motin e ngrohtë me diell pushues kryesisht banorë vendas, por edhe nga qytete të tjera kanë zgjedhur të lahen në det ose të shëtisin në breg. Qytetarët thonë se koha është e përshtatshme për të pushuar.
“Kjo është peridha që është qetësi se Qershori dhe Korriku ka shumë dyndje dhe tani është qetësi, njerëzit kanë ikur nëpër shkolla. Gjitha i ka kjo kohë tani.”
“Kohë e mirë, ja në plazh.”
“Patjetër, klimë e pastër, ajri. Dielli është shumë i nxehtë.”
Operatorët turistikë në qytetin bregdetar thonë se prenotimet vijojnë për sa kohë moti është me temperatura të larta./Klan News
