Dashamir Shehi ka zbardhur sot disa detaje të takimit të mbrëmshëm në Ishëm mes Lulzim Bashës dhe krerëve të partive aleate opozitare.
“Jemi gati për një marrëveshje me kushte. Po përgatisim një platformë për të hyrë në bisedime”, ka deklaruar Shehi duke treguar edhe disa nga pikat e kësaj marrëveshjeje.
“Duhen ndryshime kushtetuese, për të evituar krizat. Duhen rregulluar deformimet në sistemin e drejtësisë. Duhet të bëhen ndryshime në kodin zgjedhor”, ka theksuar Shehi duke nënvizuar më tej se qëllimi i platformës është një qeveri tranzitore dhe zgjedhje të lira.
“Kjo platformë nuk e merr Ramën kryeministër. Është pacifiste, europianiste, do ti pëlqejë shqiptarëve dhe ndërkombëtarëve por nuk do ti pëlqejë Ramës” deklaroi kreu i LZHK-së.
Në lidhje me një marrëveshje të mundshme midis Bashës dhe Ramës, Shehi është shprehur se është i bindur se kjo nuk do të ndodhë pasi sipas tij nga një marrëveshje e tillë ka dalë i përfituar vetëm Rama. /Opinion.al
