Studiuesi Aurel Plasari, të mërkurën, tha se Mid’hat Frashëri ka qenë me ide antifashiste dhe antikomuniste të qarta. Plasari u shpreh në studion e emisionit “Opinion”, se këto ide janë të konfirmuara.
Mirëpo, ajo që i kishte tërhequr më shumë vëmendjen ishte një status i një punonjësi të CEZ-it, i cili shkruante: Na thotë Plasari që ky ishte antifashist dhe ballisht, ndërsa zgërdhihej më pas.
Ai tregoi se këtë histori këtij punonjësit të CEZ-it këtë histori ia kishte thënë gjyshi, ose e kishte mësuar në kafen e CEZ-it.
Kontributi intelektual e patriotik
Publicist, shkrimtar, përkthyes, albanolog, diplomat, veprimtar i çështjes kombëtare, kryetar i Ballit Kombëtar dhe Komitetit “Shqipëria e Lirë”.
Mid’hat Frashëri, i njohur me pseudonimin letrar Lumo Skëndo, lindi në Janinë më 25 mars 1880. Ishte i biri i Abdyl Frashërit dhe nipi i Sami Frashërit dhe Naim Frashërit. Ai e njohu shumë pak babain e tij dhe u rrit nën kujdesin e Samiut dhe Naimit. Edukimin akademik e mbaroi në Stamboll.
Pas mbarimit të shkollës, deri në vitin 1905, punoi në administratën turke dhe më pas kaloi në Selanik, në administratën shtetërore.
Ka qenë pjesëtar i klubit të Selanikut. Nisi të aktivizohet në politikën shqiptare që në fund të shekullit XIX. Një nga figurat më të spikatura në politikën shqiptare në gjysmën e parë të shekullit XX.
Në vitin 1908, ai fillon botimin e gazetës “Liria” në Selanik. Kishte miq dhe bashkëpunoi me disa prej figurave të njohura shqiptare të kohës.
Ai mori pjesë në Kongresin e Manastirit me 14 nëntor-22 nëntor 1908. Mid’hat bej Frashëri u zgjodh kryetar i Kongresit dhe nënkryetar i Komisionit për Hartimin e Alfabetit, kryetar i Komisionit ishte At Gjergj Fishta.
Veprimtaria e tij është shumë e gjerë dhe me kontribut për Shqipërinë.
