Situatë e tensionuar në Shkodër në KZAZ nr 2 në këtë qytet, që ndodhet pranë pallatit të sportit. Është dashur ndërhyrja e Policisë dhe Forcave Shqiponja për të qetësuar situatën e krijuar.
Shkak është bërë kërkesa e anëtarëve të Partisë Socialiste në KZAZ, për të hyrë në Pallatin e Sportit për të përgatitur infrastrukturën për zgjedhjet lokale të 30 qershorit.
Përfaqësuesit e Partisë Demokratike, me në krye ish-deputetin Bardh Spahia, nuk i kanë lejuar anëtarët e KQZ të hyjnë në këtë KZAZ, duke u përplasur edhe me Policinë.
“Policia ka tentuar që në mënyrë të dhunshme dhe të paligjshme të hyje në KZAZ nr. 2 në Shkodër në shkelje të dekretit të Presidentit për anulimin e zgjedhjeve me 30 qershor. Bardh Spahia ndodhej pranë banoreve të Shkodrës të cilët kundërshtojnë procesin fals zgjedhor, duke e vlerësuar këtë akt te dhunshëm të Policisë si urdhër politik të Edi Rames”, thekson PD./ Opinion.al
https://www.facebook.com/opinioni.al/videos/2328167920778774/
