Zv/ ministri i Financave Besart Kadia është përfshirë në një debat me Drejtorin e kabinetit dhe ekspertin e ekonomisë në PD, Dorian Teliti.
Në fokus të debatit ishte plani ekonomik me 5 i PD, i cili u kritikua nga ish-këshilltari i Lulzim Bashës, aktualisht zv/ ministër i Financave dhe Ekonomisë.
“Ti ke bërë një plan me 5 pika, por ekonomia Dorian nuk është partiake apo jo? Nëse do të biesh në këtë grackë, je shumë mirë, ja ku janë pesë pikat e Dorianit…Nga dje isha shumë i mirë, sot ndryshova Dorian. Ja ku janë 5 pikat, nëse ekonomia shqiptare…. Respekto kohën, ja ku janë 5 pikat, mund ta marrësh (i jep fletën me planin me 5 pikat). Dorian mund ta mbash se nuk ka për t’u implementuar ndonjëherë, aty mbaje në sirtar”-tha Kadia.
Ndërkohë, Teliti i është drejtuar Kadias duke i thënë se “Unë nuk jam si ti që në varësi të pozicionit ku jam ndryshoj fjalitë. Ti qëndro profesionit. Besi mos merr veset e Rilindjes” ishte përgjigja e Teliti në një emision televiziv./ Opinion.al
