Pasditen e sotme presidenti Ilir Meta ka publikuar komentet dhe kritikat për plan-veprimin e qeverisë për Integrimin. Ai shprehet se duhet të ndërtohet një proces i mirë-strukturuar, objektiv dhe transparent.
Presidenti shton se plani i veprimit t’i qëndrojë besnik 15 kushteve të përcaktuara nga BE dhe secili nga 15 kushtet, duhet të zbërthehet një për një. Ai thotë në argumentat e tij se në planin e mazhorancës është zhdukur kushti i BE për hetimin e krimit zgjedhor.
Meta thekson se është e pakuptueshme dhe e pajustifikueshme ngutja për ta prezantuar këtë projekt-plan si një “dokument të konsoliduar gjithëpërfshirës” gjatë mbledhjes së 9 qershorit, ndërkohë që asnjë nga institucionet jashtë ekzekutivit nuk ishin njohur më parë me këtë dokument.
