Një plagosje me thikë ka ndodhur në fshatin Pilur të Himarës. Një i moshuar ka rënë në pranga pasi plagosi me thikë një 57-vjeçar. Pas një telefonate e cila ka ardhur në sallën Operative të Komisariatit të Himarës, lidhur me një konflikt në fshatin Pilur midis dy personave, menjëherë kanë shkuar në vendngjarje duke parandaluar konfliktin i cili mund të përshkallëzohej deri në vrasje.
Policia ka vënë në pranga Jani Krekun i cili pas një konflikti për motive të dobëta ka kanosur si edhe ka goditur me mjete të ftohta, në tentativë për ta vrarë 57-vjeçarin me inicialet V. L., i cili aktualisht gjendet në spital jashtë rrezikut për jetën. Menjëherë policia ka bërë të mundur arrestimin në flagrancë të shtetasit Jani Kreku, 72 vjeç, banues në Pilur, Vlorë.
Dosja i ka kaluar Prokurorisë për veprat penale ‘vrasje me dashje e mbetur në tentativë’, dhe ‘prodhim, mbajtje, blerje apo shitje pa leje e armëve të ftohta’
