Personi që plagosi 5 persona në xhaminë e Rrugës së Kavajës, Rudolf Nikolla ka dalë sot përpara gjykatës.
Nikolla, përpara trupit gjykues ka deklaruar se kishte kohë që e përndiqnin, e sipas tij kishte raste që i kërkonin dhe lekë.
Ndërkohë që gjykatësi Lazër Sallaku vendosi për të masën e sigurisë “arrest me burg”.
“Nëse i paraqisni këtu, i njoh me fytyrë ata që më kanë ndjekur. Më kanë ndjekur dhe përndjekur u bë gati një vit. Nuk jam ndjerë mirë për këtë gjë. Kjo gjë ka qenë e vazhdueshme. Unë nuk është se desha të bëj atë gjë që bëra. Ata më kanë marrë lekë.
Kam qenë edhe në spital. Kam marrë dhe mjekime. Po kam qëndruar pak kohë. Kam pirë ilaçet rregullisht, kishte raste që i harroja. Atë ditë nuk kisha pirë ilaçet. Vetë i merrja ilaçet. Kam qenë në Tiranë, kurse familjarët janë në Klos. Vetë e them se më përndjekin”, deklaroi Nikolla në gjyq./Opinion.al
