Policia e Tiranës ka reaguar në lidhje me ngjarjen e ndodhur në Vorë, mesditën e sotme.
Përmes një deklarate zyrtare, policia bën me dije se konflikti ka ndodhur në një servish makinash dhe në të u përfshinë 3 persona.
Njëri prej tyre u plagos me armë zjarri në këmbë, Xhuljano Shkurti 28 vjeç. Ndërkaq, kanë mbetur të plagosur edhe dy persona të tjerë, pas goditjeve me sende të forta.
Të tre këta shtetas ndodhen në spital, në kujdesin e mjekëve.
Vorë/Informacion paraprak
Më datë 15.10.2024, në një servis në Marikaj ka ndodhur një konflikt midis disa shtetasve. Gjatë konfliktit është dëmtuar në këmbë, dyshohet me armë zjarri, shtetasi Xh. Sh., 28 vjeç, dhe me sende të forta shtetasit A. M., 35 vjeç, dhe F. M., 37 vjeç.
Të tre këta shtetas ndodhen në spital, në kujdesin e mjekëve.
Shërbimet e Policisë po punojnë për shoqërimin e shtetasve të përfshirë në konflikt ndërsa grupi hetimor po punon për sqarimin e rrethanave të ngjarjes.
